Endlich wieder Abschlussfahrt - Sarah und Emilia von der 10aM der Wasserburger Mittelschule berichten

So a scheens Buidl vom Mai 2022! Am Ende einer langen Schulzeit gemeinsam eine Abschlussfahrt machen – zwei Jahre lang war das in der Corona-Pandemie nicht mehr möglich. Doch heuer ist es anders und die Freude groß. So konnte die 10aM der Wasserburger Mittelschule jetzt im Mai ihre Taschen packen und starten. Die Schülerinnen Sarah und Emilia berichten …

Mia san mit da Frau Schaub und da Frau Bliemel nach Österreich auf Abschlussfahrt gfahrn. Am Mondog san ma um 8de vom Bahnhof Reitmehring aus losgfahrn. Ois ma o’kema san, ham ma unsere Freizeit frei gestalten derfa.

Am nächsten Dog san ma bei scheenan Wetter mit voller Motivation auf de Klamm Oim gewandert. Oben o’kema ham ma uns dann an Kaiserschmarn bstaid und nebenbei de Aussicht gnossn. Den Dog drauf san ma nach Werfen gfahrn, wo ma a Burgführung und a Falkenshow ogschaud ham.

Danach is dann direkt weidaganga zur Eisriesenwelt. Durch die Eisriesenwelt san ma 1400 Stufen ganga. De vuin Stufen und de Kaitn ham sie auf jeden voi für den atemberaubenden Anblick glohnt.

Am Donnersdog war ma in Flachau im Klettergarten klettern. Dabei war der Flying Fox übern See und de Riesenschaukel besondas cool.

Danach ham ma in unsam Hotel no grillt und a Lagerfeuer alle zam gmacht. Ois dann ogfanga hod zum renga, san ma mid unsam Gwand in den Pool ghupft. Des war dann no da kröhnende Abschluss vo da Abschlussfahrt, weils am nächsten Dog scho wieda hoam ganga is.

De Abschlussfahrt war ned nur a guade Erholung, sondern schweißt  unsa Glass a no mehra zam!

Zum Schluss meng ma uns no bei da Frau Schaub und da Frau Bliemel für die guade Organisation bedanken.